Almatyda moped júrgizýshisi egde jastaǵy áıeldi qaǵyp ketti, jábirlenýshi sol jerde mert qyldy, dep habarlaıdy Egemen.kz.
Kýágerlerdiń aıtýynsha, azamat júrginshiler jolaǵynan ótip bara jatqan. Qatty jyldamdyqpen kelgen moped rólin ıgere almaı baryp adamdy soqqan. Oqıǵa ornyna jetken polıseıler qazir tergeý jumysy bastalǵanyn aıtty.
– Atalmysh kólik oqıǵasy 3 qarashada saǵat 13:00-de Bostandyq aýdanynda boldy. 2004 jyly týylǵan O. esimdi azamat mopedti tizgindeı otyryp, Tımırııazev kóshesimen batysqa qaraı ketip bara jatyp, jaıaý júrginshiler jolaǵynan ótip bara jatqan 64 jylǵy J. esimdi júrginshini qaǵyp ketti. Atalmysh derek boıynsha Almaty PD anyqtaý basqarmasynda QK 345-babynyń 3-tarmaǵy boıynsha qylmystyq is qozǵalyp, tıisti saraptamalyq zertteý taǵaıyndaldy, – dedi Almaty qalalyq Polısııa departamentiniń baspasóz hatshysy Saltanat Ázirbek.