Áýesqoılar arasynda shaǵyn fýtboldan Qazaqstan quramasy Birikken Arab Ámirliginiń Ras-el-Haım qalasynda ótken álem chempıonatynyń fınalynda Rýmynııamen sheberlik baıqasyp, kúmis medaldi qanaǵat tutty.
Oıynnyń negizgi kezeńi 2:2 esebimen teń aıaqtaldy. Kezdesý barysynda jerlesterimiz basym turǵan edi. Oıyn aıaqtalar tusta rýmynııalyq fýtbolshylar tarazy basyn teńestirip ketti. Al penaltı tebýde el quramasy qarsylasyna 11:12 esebimen ese jiberdi.
Jalpy, el quramasy jarys barysynda A tobynda synǵa tústi. Toptyq kezeńde Ganany – 7:0, Úndistandy – 16:0, BAÁ quramasyn 2:1 esebimen jeńdi.
1/8 fınalda – Meksıkany (0:0, 2:1 - penaltıden), shırek fınalda – Chehııany (3:3, 3:2 – penaltıden), jartylaı fınalda Ázerbaıjan quramasyn (3:2) qapy qaldyrdy. Aıta ketsek, buǵan deıin Qazaqstan fýtbolshylary 2015, 2017 jyldarda 11-oryn alǵan edi.