Aýyldarǵa – 488 avtobýs

Balalardyń qaýipsizdigin qam­ta­masyz etý maqsatynda berilgen keń ári jaıly jańa av­tobýs­tar barlyq tehnıkalyq erejege saı. Atap aıtsaq, qozǵaltqysh pen janarmaı bagyndaǵy órtke qarsy júıe, qaýipsizdik beldikteri bar oryndyqtar, mobıldi gad­jetterdi qýattaýǵa arnalǵan USB porttar jáne arnaıy shamdar bar. Jańa saqtyq talaptary boıynsha oqýshylardyń qımyl-qozǵalysyn jáne júrgizýshiler jol qozǵalysyn baqylaýda ustaý úshin 360 gradýsqa deıin kórsetetin arnaıy kameralar da ornatylǵan.

Jańa avtobýstardy otandyq QazTehna zaýyty Yutong kompa­­nııasymen birlesip shyǵarǵan. Kólik­ter álem naryǵyndaǵy bire­geı stan­darttarǵa súıenip ja­salǵan.

Jolǵa shyqpas buryn júr­gizý­shi­ler medısınalyq baqy­laýdan, al avtobýstar tehnı­ka­lyq tekseristen ótedi. Endi óń­ir­lerdegi oqýshylar aýdan men oblys ortalyqtarynda óte­tin saıystarǵa alańsyz qaty­sa alady. Jyl sońyna deıin qaýip­sizdikti basty nazarda ustaı­tyn avtobýstardyń jalpy sany 515-ke jetedi dep josparlanyp otyr.

Erkenaz QORDABAI,

L.N.Gýmılev atyndaǵy

EUÝ 4-kýrs stýdenti