Elimizde alǵash ret «Qarjylyq monıtorıng agenttiginiń» saıabaǵy ashyldy. Basty ereksheligi – 30 jerde QR kod ornalastyrylǵan. Azamattar atalǵan kodtardy skanerleý arqyly elimizde qarjylyq pıramıda retinde tanylǵan uıymdardyń tolyq tizimin kóre alady. Bul týraly Túrkistan oblysynyń О́ńirlik kommýnıkasııalar qyzmetinen málim boldy, dep habarlaıdy Egemen.kz.
Is-shara barysynda saıabaqtyń sánine aınalar 100-den astam aǵash kóshetteri otyrǵyzyldy. Aǵashtardy elimizdiń 20 oblys-qalalaryndaǵy ekonomıkalyq tergep-tekserý departamentteri joldaǵan. Sonymen qatar Qazaqstannyń Halyq ártisi Dımash Qudaıbergenniń arnaıy joldaǵan aǵash kósheti egildi.
Saltanatty jıynǵa oblys ákiminiń orynbasary Beısen Tájibaev, qala ákimi Nurbol Turashbekov, oblystyq ekonomıkalyq tergep-tekserý departamentiniń basshysy Erbolat Balǵabaev jáne oblystyń barlyq jastar ortalyqtarynyń basshylary arnaıy qatysty.
Jas ónerpazdar ásem ánder oryndap, myń burala bı bılep, sharaǵa jınalǵandardyń yqylasyna bólendi.
Aıta ketsek, oblystyq ekonomıkalyq tergep-tekserý departamentiniń bastamasymen júzege asqan joba ázirge Túrkistan qalasynda ǵana bar.