Qarjy naryǵyn retteý jáne damytý agenttigi mıkronesıelerdi elektrondy túrde berýdiń qoldanystaǵy erejelerine ózgertýler engizý týraly bastama kóterdi. Qujattyń jańa nusqasyna sáıkes, halyqtyń atynan alaıaqtar alǵan shaǵyn nesıeler keshiriledi, dep habarlaıdy Egemen.kz.
Atap aıtqanda, eger sot klıenttiń óz atyna berilgen shaǵyn nesıeni almaý deregin anyqtasa, onda ony bergen uıym 15 jumys kúni ishinde klıenttiń osy shaǵyn nesıe boıynsha bereshegin esepten shyǵarý týraly sheshim qabyldaýǵa, kredıttik bıýrolarda klıenttiń kredıttik tarıhyna túzetýler engizýge, oǵan osy mıkrokredıt boıynsha beresheginiń joqtyǵy jáne ol boıynsha merzimi ótken kúnderdiń sany týraly aqparat jiberýge, klıentke buryn óndirip alynǵan nemese ózi ótegen qaryz somasyn qaıtarýǵa mindetti.
Al eger sot alaıaqtar klıenttiń atyna óz kinásinen nesıe alǵanyn anyqtasa, mıkroqarjy uıymdary klıentten oǵan berilgen shaǵyn nesıe boıynsha bereshegin óteýdi talap ete alady.