«Aqorda» rezıdensııasynda Qazaqstanǵa resmı saparmen kelgen Reseı Prezıdenti Vladımır Pýtındi saltanatty túrde qarsy alý rásimi ótti, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev pen Vladımır Pýtın bir-birine resmı delegasııa múshelerin tanystyrdy. Qurmet qaraýylynyń bastyǵy memleketter basshylaryna raport berip, eki eldiń ánurandary shyrqaldy.
Sapar barysynda eki el basshylary kelissóz júrgizip, Qazaqstan men Reseı arasyndaǵy strategııalyq seriktestiktiń ózekti máselelerin talqylaıdy dep josparlanyp otyr.