Jýyrda Jambyldyń ádebı-memorıaldy mýzeıine uly aqyn týraly eń alǵashqy jazbasha derekti («Terme» jýrnaly, 1925 j) hatqa túsirip, ony baspasóz betinde jarııalaǵan belgili ǵalym Shamǵalı Sarybaevtyń nemeresi Maıra Sarybaı kelip, 1958 jyly «Qazaq ádebıeti» gazetiniń №6 (163) sanynda jaryq kórgen «Jambyl jaıynda tuńǵysh derek» atty maqalanyń kserokóshirmesi men 1936 jyly Máskeý qalasynda túsirilgen tarıhı fotosýrettiń (aqynnyń janynda Shara Jıenqulova men Kúlásh Baıseıitova) túpnusqasyn tabystap, mýzeı qoryn birshama baıyta túskendigi týraly atalǵan mýzeıdiń ǵylymı qyzmetkeri Rátbek Terlikbaev habardar etti.
«Shamǵalı ustazdyń nemeresi Maıra apaı mýzeıge syıǵa tartqan myna tarıhı sýrette uly Jambyl babamyz qazaqtyń asa kórnekti óner sheberleri – bı patshaıymy Shara Jıenqulova men bulbul úndi ánshimiz Kúlásh Baıseıitovanyń ortasynda tur. Ras, úsheýiniń budan basqa rakýrsta túsirilgen sýreti buryn da baspa betin kórgen. Al úsh ardaqtynyń myna turǵydaǵy beınesi baspasózge tuńǵysh ret usynylyp otyr.
Maıra apaı mýzeıge usynǵan «Jambyl jaıynda tuńǵysh derek» atty maqalanyń avtory Shamǵalı Haresuly óz ómirinde barlyq jaǵynan úlgili ustaz, aǵartý isiniń sheber uıymdastyrýshysy bolǵan. Ol joǵary oqý oryndarynda dáris berip, óziniń boıyndaǵy ádiskerlik múmkindikterin, mol tájirıbesin sarqa paıdalanǵan. Stýdentterdiń pedagogıkalyq tájirıbesin de ózi basqaryp, shákirtterin tańdaǵan mamandyǵynyń qyry men syryn jete meńgerýge, olarǵa ustazdyq ulaǵatyn sińire bilýge bar kúshin saldy. Ǵalym-aǵartýshy qazaq til bilimi men ony oqytý ádistemesine mol úles qosty. Ol 200-ge tarta ǵylymı-ádistemelik eńbekter, maqalalar jazdy. Qazaq tilin orys mektepterinde oqytý ádistemesinen kólemdi eńbek jazyp, 1944 jyly kandıdattyq dıssertasııa qorǵap, dosent atanǵan», deıdi mýzeı qyzmetkeri Rátbek Terlikbaev.
Almaty oblysy