Shymkent qalasynda kásipkerlerdi bopsalaý tásilimen qorqytyp kólikterin tartyp alǵan kúdiktiler ustaldy, dep habarlaıdy Egemen.kz Ishki ister mınıstrliginiń baspasóz qyzmetine silteme jasap.
Megapolıstiń uıymdasqan qylmysqa qarsy kúres basqarmasynyń qyzmetkerleri arnaıy operasııa júrgizip, eki kásipkerdi qorqytý jolymen BMW jáne VA3-2114 avtokólikterin tartyp alǵan. «Top músheleri 20-40 jas aralyǵyndaǵy azamattar. Olardyń basym bóligi buryn sońdy birneshe ret qylmystyq jaýapkershilikke tartylǵan. Ustalǵandar uzaq ýaqyt boıy jergilikti eki kásipkerden qoqan-loqy kórsetý jáne kúsh qoldaný arqyly aqsha bopsalaǵany» jazylǵan aqparatta.
Arnaıy operasııa kezinde polısııaǵa 10 adam jetkizilip, toptyń belsendi múshesi sanalǵan 4 kúdikti qamaýǵa alyndy. Olardyń ústinen Qylmystyq kodekstiń birneshe baby boıynsha sotqa deıingi tergeý bastaldy.