HIII ǵasyrdaǵy áıgili florensııalyq sýretshi Chımabýeniń kartınasy qart fransýz áıeldiń úıinen tabyldy. Úı jınap júrip tabylǵan sýret túpnusqa bolyp shyqty, dep jazady Egemen.kz The Guardian basylymyna silteme jasap.
Fransýz áıeli úıde qundy zattyń bar-joǵyn anyqtaý úshin sarapshy shaqyrtqan. Sarapshy 1280 jyly salynǵan Chımabýeniń «Kelekege ushyraǵan Hrıstos» kartınasyn túpnusqa bolýy yqtımal ekenin aıtady. Ol kartına baǵasy 400 myń dollardy quraýy múmkin dep boljap, anyqtaý úshin sýretti kásibı mamandarǵa tapsyrǵan.
Tekserý nátıjesinde kartınanyń túpnusqa ekeni anyqtalyp, 24 mıllıon eýroǵa baǵalanǵan.
Sýrette krest belgisine shegeleýge deıingi Iısýs beınelengen. 25 - te 20 santımetr kólemindegi kartına terek aǵashynan jasalǵan taqtaıshaǵa altyn fonda salynǵan.
Lývr murajaıyndaǵy eń kóne kolleksııalardyń biri sanalatyn «Kelekege ushyraǵan Hrıstos» kartınasy úlken dıptıhtyń úshinshisi. Murajaı ákimshiligi 2025 jyly kolleksııa tolyǵady dep shamalap otyr.