Gaza sektorynda qalǵan Qazaqstan azamattary men olardyń otbasy músheleri búgin Almatyǵa ushyp keldi, dep habarlaıdy Egemen.kz Syrty ister mınıstrliginiń baspasóz qyzmetine silteme jasap.
Memleket basshysy Qasym-Jomart Toqaevtyń tapsyrmasy boıynsha Syrtqy ister mınıstrligi Gaza sektorynda qalyp qoıǵan otandastarymyzdy evakýasııalady.
«Búgin arnaıy evakýasııalyq bortpen 99 jolaýshy – Qazaqstan azamattary men olardyń otbasy músheleri Almaty qalasyna aman-esen ushyp keldi. Áýejaıdaǵy barlyq mindetti rásimderden ótkennen keıin evakýasııalanǵan azamattarǵa ýaqytsha baspana berilip, olarǵa qajetti quqyqtyq, medısınalyq jáne ózge de kómek kórsetilip jatyr. Sátti iske asyrylǵan evakýasııalaý Qazaqstannyń Izraıldegi, Iordanııadaǵy jáne Mysyrdaǵy elshilikteriniń osy elderdiń ýákiletti organdarymen jáne halyqaralyq uıymdarmen birlesken úılesimdi jumysynyń nátıjesi. Taıaý Shyǵys óńiriniń syrtqy saıası vedomstvolarynyń basshylyǵymen kelissózder qorytyndysy boıynsha QR SIM azamattarymyzdyń Gaza sektorynan qaýipsiz jáne esh kedergisiz shyǵýy týraly ýaǵdalastyqqa qol jetkizdi», delingen aqparatta.
Qazaqstannyń dıplomattary qaqtyǵys aımaǵynda qalǵan jerlesterimizge kómek kórsetip, evakýasııalaý jumystaryn jalǵastyratynyn jetkizdi.