Astanada bokstan VI jazǵy Spartakıadanyń jartylaı fınaldyq aıqasy ótip jatyr. 48 keli salmaqta álem chempıony, áskerıler arasyndaǵy álem birinshiliginiń jeńimpazy, Azııa chempıonatynyń eki dúrkin chempıony, Qazaqstan chempıonatynyń alty dúrkin jeńimpazy Temirtas Júsipov fınalǵa shyqty.
Jartylaı fınalda ol ózinen 15 jas kishi Ernar Qarapty (Abaı oblysy) aıqyn utty. Temirtas Júsipov endi jazǵy Spartakıadanyń altyn medali úshin fınaldyq jekpe-jekte Astana qalasynyń boksshysy Ashat Júsipovpen judyryqtasady.
Boksta 12 jyldan beri shuǵyldanyp kele jatqan Temirtas Júsipovtiń jazǵy Olımpıada oıyndaryna buǵan deıin joly túsken emes. Kelesi jyly jalaýyn jelbiretetin Parıj jazǵy Olımpıadasyna da joldama alatyn irikteý dodasyna qatysýǵa áli de múmkindigi bar.