Almaty polısııasy jolaýshylar tasymalymen zańsyz aınalysatyn sheteldik taksı júrgizýshilerin izdestirýde, dep habarlaıdy Egemen.kz.
Almaty polısııa departamentiniń málimetinshe, sheteldikter tarapynan barlyǵy 217 jol erejesin buzý faktisi anyqtalǵan, onyń 44-i Tájikstan azamattaryna tıesili.
"Mamandandyrylǵan aıyp alańyna 79 avtokólik qoıyldy. Sheteldikterdiń jeke tasymaldaý qyzmetin kórsetý faktilerin anyqtaýǵa erekshe nazar aýdaryldy. Sońǵy táýlikte osyǵan uqsas 3 fakti belgili boldy. Tájikstan azamattary jolaýshylardy zańsyz jolmen tasymaldaýdy júzege asyrǵan. Quqyq buzýshylyq jasaýdyń sebepteri men sharttaryn joıý jóninde atalǵan JShS-na usynys jasaldy», - dedi Almaty qalalyq polısııa departamenti Jergilikti polısııa qyzmeti basqarmasy bastyǵynyń orynbasary, polısııa polkovnıgi Dıas Dýanbekov.
Sonymen qatar, bólimsheniń málimetinshe, sheteldik jumys kúshin zańsyz tartqany úshin qalalyq taksı fırmalarynyń biriniń basshylyǵy ákimshilik jaýapkershilikke tartyldy.
Jergilikti polısııa qyzmetiniń ókilderi óz quzyretine sáıkes anyqtalǵan zań buzýshylyqtar boıynsha Almaty qalasynyń kóliktik baqylaý ınspeksııasyna materıaldar jiberdi.