Astanada Mega SilkWay saýda ortalyǵy janynda qatty jeldiń ekpininen qorshaý qulady. Saldarynan bir áıel №2 kópsalaly aýrýhanaǵa jetkizildi, dep habarlaıdy Egemen.kz Esil aýdany ákimdiginiń baspasóz qyzmetine silteme jasap.
Al tótenshe oqıǵanyń beınejazbasy Astanovka98 telegram-arnasynda jarııalandy.
Aýdan ákimdiginiń baspasóz qyzmeti bannerdi Mega SilkWay saýda ortalyǵy ornatqanyn málimdedi.
"Qatty jel saldarynan banner men onyń plastıkalyq jaqtaýy ushyp ketken. Nátıjesinde 1954 jyly týǵan azamat jaraqat aldy, onyń keýde jáne shyntaq býyndary kógergen. Turǵyn №2 qalalyq kópsalaly aýrýhanaǵa jetkizildi. Qazirgi ýaqytta qorshaýǵa ilingen bannerler kesilip, alynyp tastaldy, óıtkeni olar isinip, qorshaýdy qulatqan", - dep jazdy vedomstvo.
Aýdan ákimdigi astanalyqtardy jarnamalyq qurylymdarǵa, afıshalarǵa jaqyn jerde abaı bolýǵa jáne múmkindiginshe úıden shyqpaýǵa shaqyrdy.
Sondaı-aq, áleýmettik jelilerde qatty jelden aýdarylǵan kólikter men qulaǵan qasbetterdiń fotosýretteri jarııalanýda.