Astana qalasynda bokstan ótip jatqan jazǵy Spartakıada oıyndarynda 80 keli salmaqtyń fınaldyq jekpe-jegi álem chempıondary arasynda ótti, dep habarlaıdy Egemen.kz.
Tartysty aıqasta 2019 jyly Reseıde ótken álem birinshiliginiń chempıony mańǵystaýlyq Bekzat Nurdáýletov Astana qalasynyń boksshysy, osy jyly О́zbekstanda ótken álem chempıonatynyń jeńimpazy Nurbek Oralbaıǵa ese jiberdi.
«Barymdy saldym, Bekzat osal qarsylas emes. Endigi meje kelesi jyly Italııa elinde ótetin lısenzııalyq týrnırde joldama oljalaý. Odan keıin Parıj jazǵy Olımpıadasynyń medalin ıelenýge barymdy salam. Qazaq eline Olımpıada altynyn tartý etýge barymdy salam», dedi Nurbek Oralbaı.