Máselelerdi birlesip sheshýge daıyn

Jıyn II «Jahandyq Oń­tústiktiń daýysy» sammıti aıasynda ótip otyr. Sóz basynda SIM basshysy Úndistandy bıyl «Úlken jıyrmalyqta» (G20) tóraǵalyqtyń sátti aıaqtalýymen qut­tyqtady. Astana men Nıý-Delı arasyndaǵy strategııalyq áriptestikke, sondaı-aq Qazaq­stan men Jahandyq Ońtústik ara­­syn­­daǵy ózara tıimdi ynty­maq­­tas­­tyqtyń mańyzyna nazar aýdar­dy. M.Nurtileý kóliktik ózara baılanysty damytý jáne kólik baǵyttaryn ár­ta­­rap­­­­tandy­rý qa­­jettigin atap ótti. So­ny­men qa­tar mınıstr is-sha­raǵa qa­ty­sý­shylar­dy Qa­zaq­stan­­nyń jo­­ǵary tehnologııa­lar sala­­syn­­­daǵy eksporttaýshy bo­lý jos­­­par­lary týraly habardar etti. Osyǵan baı­lanysty «As­­tana hab» tehno­logııalyq par­ki Úndistan men Ja­handyq Ońtús­tiktiń sarapshy­lary úshin tehnologııalar men ınno­vasııalar salasyndaǵy ózara is-qımyldy arttyrýda qolaıly platforma bola alady.

Sondaı-aq Qazaqstannyń 2060 jylǵa qaraı kómirtegi beı­­­ta­rap­tyǵyna qol jet­ki­zý jó­­­­nin­degi bas­tamasyna erek­she nazar aýdaryl­dy. Álem­dik qoǵamdastyqtyń osyndaı problemalardy sheshýge tarty­lýy­nyń mańyzyn eskere otyryp, SIM basshysy kontr-serik­testerdi 2026 jyly Qazaqstanda ótetin BUU О́ńirlik Klımattyq sammıtine qatysýǵa shaqyrdy.

Mınıstr M.Nurtileý bıo­lo­gııalyq qaýip-qaterlerdi azaı­týǵa baǵyttalǵan jańa bir­les­ken sharalar qabyldaý qaje­tin atap ótti. Osyǵan baılanysty Qazaqstan Prezıdenti Qa­sym-Jomart Toqaevtyń Bıo­lo­gııa­lyq qaýipsizdik jónindegi ha­lyqaralyq agenttik qurý jó­nin­­degi bastamasy týraly eske saldy. Munyń maqsaty tehnolo­gııalar transferti jáne elder arasynda osy salada tájirıbe almasý bolatynyn jetkizdi.

Sóziniń sońynda syrtqy ister mınıstrliginiń basshysy Qazaqstan seriktestermen ınk­lıý­­zıvtilik, kópjaqty jáne izgi nıet rýhynda yntymaqtasýǵa jáne halyqaralyq kún tártibin­degi máselelerdi sheshýde bir­le­sip áreket etýge daıyn eke­nin málimdedi. Kezdesýge Azııa, Afrıka, Okeanııa atynan ókil­dik etetin birqatar memleket­tiń premer-mınıstrleri men syrtqy ister mınıstrleri qa­tysty.