Meıirimniń mereıi ústem

Soıqan soqqyly sańlaq­tardyń ónerin tamashalaý úshin jankúıerler «Hýmo Are­naǵa» kóptep jınaldy. Ja­rystyń basty jekpe-jeginde ara-tura kásipqoı rıngte kúsh synasyp júrgen áýesqoı bokstyń shoq juldyzy Bahodır Jalolov pen Ońtústik Afrıka Respýblıkasynyń (OAR) myq­tysy Krıs Tompson judy­ryqtasty. 29 jastaǵy О́zbekstan maqtanyshynyń Olımpııa (2021) men Azııa oıyndarynyń (2022) jeńimpazy, álemniń eki (2019, 2023) jáne Azııanyń úsh (2017, 2019, 2021) dúrkin chempıony degen ataqtary bar. Bahodır Ja­lolovtyń bizdiń Qamshybek Qoń­qabaevty únemi qapy qal­dyryp júrgenin jurt jaqsy biledi. Kásipqoılar arasynda Bahodır 13 kezdesý ótkizip, barlyǵynda aıqyn basymdyq tanytty. Ázirge birde-bir boksshy onyń qarqynyna shydamady. 28 jastaǵy Tompson kásipqoı rıngte 2007 jyldan beri baq synap keledi. Alty jyl aralyǵynda 18 márte sharshy alańǵa kóte­rilgen ol 12 ret jeńiske jetip, 5 ret utyldy. Taǵy bir tartys­ta teń esep tirkeldi. Krıs jeti qarsylasyn esinen tandyr­dy. Biraq bul básekeniń bastal­ǵanynan aıaqtalǵany tez boldy. Bahodır birinshi raýndta-aq OAR ókilin aýyr soqqysymen sulatyp saldy.

Jarystyń basty báse­ke­le­riniń birinde qazaqtyń uly Meıirim Nursultanov ıt arqasy qııandaǵy sonaý Chılıden kelgen Hýlıo Alamospen aıqasty. 30 jastaǵy qandasymyz 20 jekpe-jektiń birde-bireýinde utylǵan emes. 11 qarsylasyn ol nokaýtqa jiberdi. 32 jastaǵy Santıagonyń týmasy alǵashqy 16 kezdesýin jeńispen aıaqtap, toǵyz básekelesin aıqyn jeńdi. Sońǵy ret bıyl jazda ıtalııalyq Etı­nos Olıhaǵa upaı sanymen ese jiberdi. Sonyń saldarynan chılılik sportshy IBO nusqasy boıynsha altyn belbeýdi ıelený múmkindiginen aıyryldy. Tash­kenttiń tórinde ekeýi de aıanbaı aıqasyp, básekeniń basynan aıaǵyna deıin baryn saldy. Desek te Meıirimniń basymdyǵy baı­qalyp turdy. Onyń soq­qylary joıqyn boldy jáne dálirek tıdi. 12 raýndqa sozylǵan saıys­ta qandasymyz upaı sanymen jeńiske jetti. Sóıtip, Meıirim Nursultanov orta salmaqtaǵy WBC nusqasynyń chempıondyq belbeýi úshin talasý múmkindigine ıe bolady. Al bul ataq áli de jeńilistiń kermek dámin tat­paǵan AQSh-tyń dańqty boksshysy Djermall Charloǵa tıesili.

О́kinishke qaraı, reıtıngtik básekelerde ózbek boksshylaryna qarsy shyqqan úsh jerlesimiz ońbaı súrindi. Atap aıtsaq, Ar­tem Pchelıakov Shýhrat Ab­dýllaevtan, Bogdan О́tegenov Kom­ron­bek Turǵynboevtan nokaýtpen jeńilse, Hodjıakbar Ka­dı­rohýnovtan upaı sanymen utyldy. Áıteýir asa aýyr sal­maq­taǵy Muhıtdın Ábdıevtiń Sher­zod Mamajanovqa áli jet­keni kóńilge medet boldy.