Qańtar oqıǵasy kezinde áskerılerdiń oǵynan jazym bolǵan 4 jasar Aıkórkemniń ákesi Aıdos Meldehanuly kórineý jalǵan aqparat taratqany úshin jaýapqa tartyldy, dep habarlaıdy Egemen.kz.
Almaty qalalyq sotynyń baspasóz qyzmeti taratqan málimetke qaraǵanda, oǵan qatysty ákimshilik isti Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty qaraǵan. Is materıaldarynan osy jyldyń 8 qarashasynda Aıdos Medelhanuly Facebook-tegi paraqshasynda vıdeoúndeý jarııalaǵany belgili boldy.
"21 qazan kúni oǵan kórshisi shabýyldaǵan. Ol bul jóninde polısııaǵa aryz jazǵanyn, biraq polısııa shaǵymyn qaramaı, is qozǵamaǵanyn aıtady", delingen sottyń jazbasynda.
Sot A. Medelhanuly polısııaǵa qandaı da bir aryz jazbaǵanyn jáne júginbegenin anyqtady. Osylaısha, ol áleýmettik jelide jalǵan aqparat jarııalaǵan.
Aıdos Medelhanuly óz kinásin moıyndaǵan joq. Alaıda, ol sot qaýlysymen Ákimshilik quqyqbuzýshylyq týraly kodekstiń 456-2 babynyń 3-bóligi boıynsha kináli dep tanylyp, 69 000 teńge mólsherinde balamasyz ákimshilik aıyppul salyndy.
Sot qaýlysy zańdy kúshine engen joq.