Búgin elimizdiń basym bóliginde qar men jańbyr jaýady

Qazgıdromettiń habarlaýynsha, eldiń basym bóligine Ońtústik-Kaspıı sıklony áser etedi. Atmosferalyq frontqa baılanysty birqatar óńirde jaýyn-shashyn bolady. Jaýyn-shashynnyń kóp mólsheri Respýblıkamyzdyń soltústik-batysynda, ońtústik-batysynda, sondaı-aq ońtústik pen ońtústik-shyǵystyń taýly aımaqtarynda kútiledi.   Jalpy Qazaqstan boıynsha tuman túsip, kóktaıǵaq bolyp, jel kúsheıedi. Soltústik oblystarda burqasyn bolýy múmkin.   Qostanaı oblysynyń ońtústiginde, Soltústik Qazaqstan oblysynyń ońtústiginde, batysynda, Aqmola oblysynyń soltústiginde, shyǵysynda, Jambyl oblysynyń ońtústik-batysynda, Túrkistan oblysynyń taý asýlarynda jel 23-28 m/s, keıde ekpini 30 m/s jáne odan da kóp bolady.