Senat Tóraǵasy Máýlen Áshimbaev 2024-2026 jyldarǵa arnalǵan respýblıkalyq bıýdjet jáne Ulttyq qordan kepildendirilgen transfert týraly zańdardy qaraý barysynda másele kóterdi, dep habarlaıdy Egemen.kz joǵarǵy Palatanyń baspasóz qyzmetine silteme jasap.
Senat Spıkeri Premer-mınıstrdiń orynbasary – Qarjy mınıstri Erulan Jamaýbaevtan bıznestiń damý qarqyny tómendeıtin bolsa, salyq túsimderiniń qajetti kólemi qalaı qamtamasyz etiletinin, qosylǵan qun salyǵy bıýdjetke túsetin salyq túsimderiniń máselesin qanshalyqty sheshetinin surady. M.Áshimbaev qarasha aıynyń basyna deıin jınalady dep josparlanǵan 11 trln teńgeden 9,6 trln teńgesi jınalǵan.
«Bıyl shamamen 14 trıllıon salyq túsimi josparlanǵan edi. Árıne, naqty kórsetkish budan tómen bolýy múmkin. Osy jaǵdaıda kelesi jylǵa, 2024 jyldyń bıýdjetine biz shamamen 16 trıllıon teńge kóleminde salyq túsimin salamyz. Iаǵnı, bul óte mańyzdy ósim bolyp otyr. Salyqty ákimshilendirý salyqtyń bir bóligin qamtamasyz etýge tıis. Biraq salyq túsimderin taǵy qalaı qamtamasyz etý josparlanýda? Bizdiń oıymyzsha, sizdiń jaýabyńyzda ol salyqty kóterý arqyly bolady. Qazir osy týraly aıtylyp otyr. Biraq bıýdjetke salyq túsimderi máselesin sheshýge qosylǵan qun salyǵynyń ósimi qanshalyqty kómektesedi? Osyǵan baılanysty sizde 2024 jylǵy bıýdjetke 16 trıllıon teńge kóleminde salyq túsimderin qamtamasyz etýge baılanysty qandaı da bir pysyqtalǵan ustanymdar bar ma? Bul qalaı qamtamasyz etiledi?» dep surady M.Áshimbaev.