Parlament Senatynda ótken brıfıngte Úkimet basshysy Álıhan Smaıylov sheteldikterge jer berile me degen saýalǵa jaýap berdi, dep habarlaıdy Egemen.kz.
«Jer týraly kodekste sheteldikterge nemese sheteldik kompanııalarǵa jáne sheteldikterdiń qatysy bar Qazaqstanda qurylǵan kompanııalarǵa aýylsharýashylyǵy maqsatynda paıdalanatyn jerdi menshikke berýge nemese paıdalanýǵa tyıym salynǵan. Ondaı quqyq tek Qazaqstan azamattaryna ǵana beriledi. Sondyqtan da sheteldikterge jer berý jónindegi másele qarastyrylyp jatqan joq, tipti qaralmaıdy da. Bul bizdiń berik ustanym. Osy máselege qatysty Memleket basshysy da nyq baılamyn aıtty», degen Úkimet basshysy Batys Qazaqstan obylysynda Qytaı ınvestoryna jer beriledi degen jalǵan aqparat ekenin jetkizdi.