Qazirgi tańda sheteldik kólikterge degen suranys óte kóp. О́ıtkeni jyly jańa ári baǵasy da kóptiń qaltasyna salmaq salmaıdy. Sondyqtan bolar kóp adam ishte júrgen kólikterge qaraǵanda, syrttan aldyrýǵa áýes, dep habarlaıdy Egemen.kz.
Uaqyt.info-nyń jazýynsha, elimizde osy salada qyzmet kórsetetin kompanııalar da barshylyq. Biraq onyń barlyǵy taza jumys isteıdi dep aıta almaımyz. Sebebi shetelden kólik aldyramyz dep avtoalaıaqtardyń toryna túskenderdiń sanynda esep joq.
Qazaqstandyqtardyń shetelden sapaly, jańa nemese júrisi az kólikterdi satyp alýǵa degen suranysy artyp barady. Osy oraıda shetelden satyp alatyn kóliktiń óz elimizge tańdap alǵan kúıinde jetkizilýine kepil beretin senimdi kompanııa tabý qıyn. Tipti, aqshasyn aýdaryp qoıyp, kóligi jolda joǵalyp ketetinder men kólik alaıaqtaryna aldanyp qalatyndardyń da jıi kórinis berip qalatynyn aqparat quraldarynan oqyp júrmiz.
Sondyqtan shetelden kólik aldyrarda senimdi kompanııalarǵa ıek artqan jón. “Kazak Auto Logistics” kompanııasynyń dırektory Shyńǵys Qudaıberdıevtiń aıtýynsha, kóp adam alaıaqtardyń toryna kóbine áleýmettik jeli arqyly túsedi eken.
“Alaıaqtyqtyń qazir túri óte kóp jáne olar kún sanap jańa baǵytta damyp jatyr. Sońǵy jyldary shetelden keletin kólikterdiń aǵyny artty. Soǵan sáıkes avtoalaıaqtardyń da sany kóbeıip jatyr. Olar kóbine áleýmettik jeli arqyly, feık akkaýnt, saıttar arqyly jumys isteıdi. Áýeli adamnyń kózin aldap, keıin qaltasyna qol salady. Kóliktiń VIN kodyn aýystyryp, satatyndar da jeterlik. Sondyqtan kólikti satyp almas buryn VIN belgisin muqııat tekserý qajet. Shetelden kólik ákelip beremin degen jalǵan kompanııalardyń toryna túskender elimizde óte kóp. Olarǵa aldanbas úshin, eń aldymen kompanııany jiti tekserip alǵan abzal. Qazaqstanda qansha fılıaly bar, ózge memlekettermen baılanysy bar ma, tipti áleýmettik jelidegi pikirlerdi de erinbeı oqyp shyǵyńyz”, deıdi Shyńǵys Qudaıberdıev.
Shyńǵys Qudaıberdıev avtonaryq salasynda 10 jyldan astam qyzmet atqarǵan bilikti maman. Ol negizin qalaǵan «Kazak Auto Logistics» kompanııasy shetelden sapaly, tómen baǵadaǵy kólikterdi tasymaldaýmen aınalysady.
“Biz álemniń birneshe elimen tyǵyz baılanysta jumys isteımiz. Qazaqstanǵa AQSh, Grýzııa, Koreıa, QHR, TMD, BAÁ elderinen kólik ákelip, satyp júrmiz. Bizdiń basty ereksheligimiz - sheteldik kólikti sol naryqtan tańdap alý, satyp alýdan bastap, elge jetkizý, tirkeý, keden tazartpasy, brokerlik qyzmettiń barlyq túrleri, qazaqstandyq nómir alýǵa deıingi barlyq qyzmet túrlerin usynady. Sondyqtan el azamattaryna aıtarym, syrttan kólik aldyrarda senimdi kompanııalardyń ǵana qyzmetine júginińiz. Áıtpese, alaıaqtarǵa jem bolýyńyz múmkin. Al eger siz tańdaǵan kompanııa “tek kólikti ákelip beremiz, qalǵan sharýany óziń retteısiń” dese, birden bas tartyńyz”, - dedi kompanııa dırektory.