Qazaqstan fýtbol federasııasynyń prezıdenti Ádilet Barmenqulov ulttyq quramanyń bas bapkeri Magomed Adıevke sý jańa kóliktiń kiltin tartý etti, dep habarlaıdy Egemen.kz.
M.Adıev qymbat syılyq alǵany týraly jańalyǵyn Instagram jelisindegi paraqshasynda bólisti.
Sýrette bıznes-klass kóliginiń kiltteri kórsetilgen. Alaıda, bapker kóliktiń markasy men modelin ataǵan joq. Boljam boıynsha, kiltter jańa Mercedes-Benz nemese BMW-ge tıesili. Bapker kóliktiń sýretin de jarııalamady.
Ulttyq qurama bapkeri bul syılyqqa ózi men komandasynyń tolyqtaı laıyqty emes ekenderin aıtady.
"Tıisinshe bul syılyqqa tolyq laıyqtymyn dep aıta almaımyn. Áriptesterimizben birge fýtboldan Eýropa chempıonatyna shyǵý úshin qoldan kelgenniń bárin jasaımyz. Alda úlken jumys kútip turǵanyn sezemiz, sol úshin de ózimizdiń súıikti sportymyz – fýtboldaǵy maqsatymyzdyń oryndalýy úshin aıanyp qalmaımyz. Bul syılyqty baǵalaımyn, ol men úshin motıvasııa ǵana emes, elimiz ben halqymyz aldyndaǵy mindetimdi esime túsirip turatyn syı bolmaq", – dep jazǵan Magomed Adıev.