Saýd Arabııasynyń Al-Nasr komandasynyń jáne Portýgalııa quramasynyń shabýylshysy Krıshtıaný Ronaldý jańa álemdik rekord ornatty, dep habarlaıdy Egemen.kz.
Vesti.kz-tiń jazýynsha, bul mańyzdy oqıǵa Saýd Arabııasy chempıonatynyń 14-shi týryndaǵy «Al-Ahýd» komandasyna qarsy ótken oıynnan (3:0) keıin boldy. Osy kezdesýde Ronaldý dýbl jasady. Ásirese, portýgalııalyqtyń soqqan ekinshi goly keremet boldy.
Bul dýbl 38 jastaǵy Krıshtıanýǵa taǵy bir jetistikke jetýge múmkindik berdi: qazir onyń ulttyq dıvızıondarda soqqan 527 goly bar. Ronaldý fýtbol tarıhyndaǵy joǵarǵy lıgalarda eń kóp gol soqqan alǵashqy oıynshy boldy.
Osylaısha, portýgalııalyq bul kórsetkish boıynsha 1931-1957 jyldar aralyǵynda Avstrııa men Chehoslovakııa chempıonattarynda óner kórsetip, 526 gol soqqan shabýylshy Iozef Bıkandy basyp ozdy.
Klýb boıynsha Ronaldýdyń gol statıstıkasy tómendegideı:
Real Madrıd – 311Manchester Iýnaıted – 103Iýventýs – 81Ál-Nasr – 29Sport – 3
Aıta keteıik, Ronaldý - resmı matchtarda, ulttyq quramalarda, Eýropa chempıonattarynda, klýbtyq deńgeıdegi halyqaralyq matchtarda, ÝEFA Chempıondar lıgasynda, klýbtar arasyndaǵy álem chempıonatynda fýtbol tarıhyndaǵy úzdik bombardır.