Qoldanystaǵy erejelerge saı saýsaq izin mindetti tirkeý 2024 jyldyń 1 qańtarynan bastalýy kerek bolatyn. Alaıda elimizde mindetti daktıloskopııalyq tirkeýdi (saýsaq izimen anyqtaý) engizýdi alyp tastaý josparlanyp otyr. Qujat Májilis qaraýyna jiberilgen, dep jazady Egemen.kz.
«Zań jobasynyń mańyzdy jańalyǵy – 2024 jyldyń 1 qańtarynan bastap qujattandyrý úshin halyqqa qyzmet kórsetý ortalyqtarynda mindetti túrde daktıloskopııalyq tekserýdi alyp tastaý. Qaýipsizdik máseleleri men azamattardyń konstıtýsııalyq quqyqtarynyń saqtalýyna qatysty kóptegen ótinishterge, sarapshylardyń pikirlerine baılanysty osyndaı sheshim qabyldandy. Saýsaq izderi azamattyń ótinishi boıynsha qalady. Sonymen qatar sheteldikter úshin saýsaq izin alý mindetti bolyp qala beredi», dedi Májilis depýtaty Ekaterına Smyshlıaeva.