Búgin Májilistiń jalpy otyrysynda depýtattar Bilim berý jáne tálimgerlik máseleleri boıynsha zań jobasyn talqylady, dep habarlaıdy Egemen.kz tómengi Palatanyń baspasóz qyzmetine silteme jasap.
Bilim berý jáne tálimgerlik máseleleri boıynsha zań jobasy jaıynda baıandama jasaǵan depýtat Ashat Aımaǵambetov oqýshylardyń sabaq ústinde uıaly telefondy ustaýyna shekteý qoıý jóninde norma engizilgenin aıtty.
«Sabaq kezinde shekteý týraly norma engizildi. Mektepke telefon ákelip úziliste qoldanamyn dese, qarsylyq joq. Sabaq kezinde bala ınstagram, tık-tokty qyzyqtap, basqa máselemen aınalysýyna shekteý qoıylyp otyr. Eger muǵalim sabaq jospary boıynsha ruqsat etse, shekteý qoıylmaıdy. Qazir zaman talabyna saı oqytý júıesin tańdaıtyn muǵalimder de bar. Kahoot sekildi basqa da qosymshalardy paıdalanyp sabaq oqytý júıesin qoldanady. Al oǵan smartfon qajet bolady. Sondyqtan da sabaqta ınnovasııalyq tehnologııalardy qoldaný úshin muǵalimniń sabaq josparynda telefonnyń qajettigi jazylsa, shekteý joq. Al oqýshy óz máselesi boıynsha paıdalanam dese, ruqsat etilmeýi kerek. Jalpy oqýshy mektepke telefon ákelýine toqtam salmaımyz», dedi zań jobasyndaǵy normalardy túsindirgen A.Aımaǵambetov.