Polısııa qyzmetkerleri Almatyda órtengen jataqhananyń ıelerin izdestirip jatyr, dep habarlaıdy Egemen.kz.
Tótenshe jaǵdaılar mınıstri Syrym Sháriphanovtyń aıtýynsha, polısııa qyzmetkerleri arnaıy qujaty joq hostel ıelerin jáne jalǵa alýshylardyń turǵylyqty mekenjaıyn anyqtap jatyr. Almaty polısııa departamenti bul iske qatysty bolýy múmkin kúdiktilerdiń ázirge tergelmegenin aıtty.
«Bul adamdardyń jeke basy anyqtaldy. Qazirgi ýaqytta olardyń turǵan jerin anyqtaý sharalary júrgizilip jatyr. Ázirge olardyń eshqaısysynan jaýap alynǵan joq. Qazir barlyq qujattamany jınap jatyrmyz», dedi Almaty qalasy IID Tergeý basqarmasynyń basshysy Aıbat Mýrzamadıev.
Eske sala keteıik, 30 qarasha kúni saǵat 05:33-te Almatydaǵy Ádı Sháripov kóshesindegi jataqhanada órt shyqqany týraly habar túsken. Apat saldarynan 13 adam qaza tapty, onyń tórteýi shetel azamattary.