Prezıdent Qasym-Jomart Toqaev Saýd Arabııasynyń Taq murageri, Premer-mınıstri, Hanzada Muhammed ben Salman Ál Saýdty jáne barsha saýd halqyn «EXPO-2030» halyqaralyq kórmesin Rııad qalasynda ótkizýge qatysty saılaýdaǵy aıqyn jeńisimen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
– Elińizdiń aıtýly sharany ótkizýshi retinde tańdalýy Koroldiktiń jahandyq deńgeıdegi mártebesin, sondaı-aq saýdtyqtardyń qajyrly umtylysy men memleket basshylyǵynyń jigerli tabandylyǵyn taǵy da dáleldeıdi. Shyǵanaq óńirindegi Qazaqstannyń basty seriktesteriniń biri Saýd Arabııasymen tyǵyz yntymaqtastyǵymyzdyń jyldan-jylǵa nyǵaıyp kele jatqanyn zor rızashylyqpen atap ótemin. Birlesken kúsh-jigerimizdiń arqasynda áleýeti joǵary qarym-qatynastarymyzdy halyqtarymyzdyń ıgiligi úshin odan ári damyta túsetinimizge kámil senimdimin, – dep jazylǵan jedelhatta.
Memleket basshysy Qasym-Jomart Toqaev Saýd Arabııasynyń Taq murageri, Premer-mınıstri, Hanzada Muhammed ben Salman Ál Saýdtyń asa jaýapty qyzmetine tolaǵaı tabys, al baýyrlas saýd halqyna qut-bereke tiledi.