Almatydaǵy hostelde órtten qaza tapty delingen Túrkistan oblysynyń týmasy tiri bolyp shyqty, dep habarlaıdy Egemen.kz.
"Otyrar" arnasyna bul týraly Saryaǵash aýdany Derbisek aýyly ákiminiń orynbasary málimdegen.
Ámiráli Ramazan Batyráliuly 20 jasta, Shymkenttegi medreselerdiń birinde bilim alyp júrgen. Ol aqsha tabý maqsatynda Almatyǵa baryp, qymbat emes baspanada turyp jatqan.
Qaıǵyly oqıǵadan birneshe kún buryn jas jigit Saryaǵash aýdanyna qaıtyp ketken. Qazirgi ýaqytta Ramazan óziniń úıinde, ata-anasynyń qasynda.
«Týǵan kúnińmen quttyqtaımyn! Endi jylyna eki ret týǵan kúnińdi atap ótesiń. Qazir bizdiń aýyl ǵana emes, búkil respýblıka shýlap jatyr. Medresedegi ustazdary sabaqqa kelmeı júrgenin aıtyp, qońyraý shalǵan ǵoı. Sosyn ákesi shaqyrǵan. Rasymen de, kórer jaryǵyń bar eken. Osy qonaqúıde qala bergenińde ne bolar edi, kim bilsin», – deıdi Derbisek aýyly ákiminiń orynbasary Ramazanǵa.
Aıta keteıik, Almatydaǵy hostelde oryn alǵan qaıǵyly oqıǵa 30 qarashada belgili boldy. Arzan qonaqúıde barlyǵy 72 adam turǵan. Otqa oranǵan bólmeden 59 adam shyǵyp úlgergen.