Toı ústindegi bul áreket Aqtaýdaǵy besik toılardyń birinde bolǵan. Besiktiń ústine minip, attaı qamshylaǵan aqtaýlyq apany jurtshylyq synap tastady. Pikir alańynda onyń bul áreketin jaqtaýshy da, dattaýshy da tabylady, dep jazady Egemen.kz.
Vıdeodan orta jastan asqan áıeldiń salt boıynsha jabý jabylǵan besiktiń úsitine shyǵyp, súırelep, qamshylap jatqanyn kórýge bolady.
Jeli qoldanýshylary arasynda halqymyzda mundaı yrymnyń bar-joǵyna qatysty talas týyndaǵan.
Biri áıeldiń bul qylyǵy oǵash kórinetinin aıtyp jatsa, ekinshileri salttan habarsyzsyńdar dep ózgelerge min taǵyp jatyr. Ekinshi taraptyń aıtýynsha bul - bala besikke salynǵannan keıin «Mekkege-Qoqanǵa alyp qashý» yrymy. Tıisinshe balanyń atasy ne ákesi alyp qashýshyǵa aqsha berip, óz úılerinde qalýǵa kóndiredi.
Al aqtaýlyqtar oramalsyz ala shapqyn bolyp júrgen apanyń qylyǵyna ań-tań.