Tanymal estrada ánshisi Medeý Arynbaev 2000 jyldardan soń densaýlyǵynyń syr bere bastaǵanyn aıtty, dep habarlaıdy Egemen.kz.
"Dınamen durys" baǵdarlamasyna qonaq bolǵan óner ıesi on jyldan astam ýaqyt boıy talma dertinen japa shegip, kúrdeli on saǵattyq otadan soń, jaqsarǵanyn jetkizgen.
- 2000 jyldan bastap es joǵaltý, tiresip qalý sııaqty aýrýym bastaldy. 1993 jyldary, ol kezde jaspyz, meıramhanadan shyǵyp kele jatqanda úsh jigit tepkige alǵan edi. Sol jeti jyldan keıin syr berdi me dep oıladym. Sol soqqydan nemese týa paıda bolǵan nárse ma, belgisiz. Bastapqyda jylyna eki ret qaıtalandy. Sodan ýaqyt óte kele ýshyǵyp, eki-úsh aıda bir ret bola bastady. Birde sahnada ustap qaldy, siresip qaldym. Tórt ret qala ishinde kólik júrgizip kele jatqanda boldy. Bir ret mańyzdy sharada mańyzdy sátte siresip qalyp, sahnadan alyp ketti. Sol kezde qara tizimge túsip qaldym ba dep qoryqtym. Otadan keıin shúkir jaǵdaıym jaqsy. Mine tórt jarym jyldaı mende qaıtalaný joq. Jaǵdaıym turaqty, konsert boıy án aıta alamyn, - dedi ánshi.