Shoqan Bekturǵanov Shveısarııanyń halyq horynda án shyrqady, dep habarlaıdy Egemen.kz «Alǵa, Qazaqstan» jobasynyń avtory bloger Ivan Chervınskıdiń jazbasyna silteme jasap.
Shveısarııanyń Bern qalasynda ótetin halyq hory sharasy 2006 jyldan beri turaqty uıymdastyrylyp keledi. Hor sapynda Shveısarııa, Germanııa, Qytaı, Úndistan, Malı, Brazılııa syndy elderdiń ónerpazdary án shyrqaıdy. Dáriger Shoqan Bekturǵanov otbasymen birge Bern qalasynda turady. Shveısarııanyń arnaıy shaqyrýymen kelip densaýlyq saqtaý salasynda jemisti eńbek etip júr.
«Shoqan barshamyzǵa álemniń qaı qıyrynda júrseń de tól mádenıetiń men halqyńnyń qundylyǵyn dáripteı bilý kerek ekenin pash etti», dep jazdy bloger. Shoqan Bekturǵanovtyń jubaıy da dáriger.