Memleket basshysy Qasym-Jomart Toqaev H paraqshasynda volonterlerdi merekelerimen quttyqtady, dep habarlaıdy Egemen.kz.
«Búgin – Halyqaralyq volonter kúni. Biz ózgege qol ushyn beretin jandardy árdaıym qurmetteımiz. Eriktiler meıirimdilik pen súıispenshiliktiń, tilektestik pen jaýapkershiliktiń ozyq úlgisin kórsetip keledi. «Adal azamat» tujyrymdamasynyń tiregi – osy myzǵymas qundylyqtar. Qoǵamǵa paıdaly is-sharalarǵa atsalysatyn, qaıyrymdylyq jobalaryn júzege asyratyn jáne muqtaj adamdarǵa qamqorlyq tanytatyn barsha azamattarǵa alǵys aıtamyn. Sizderdiń jasampazdyqqa toly qyzmetterińiz – shynaıy otanshyldyqtyń kórinisi. Memleket volonterlerge qoldaý kórsete beredi», dep jazdy Prezıdent óziniń H paraqshasyna.