Aqmola oblysynyń prokýratýrasy jergilikti ákimdikterdiń qyzmetinde turǵyn úı zańnamasynyń saqtalýyna tekseris júrgizip, birneshe zańsyzdyqtyń oryn alǵanyn áshkereledi, dep habarlaıdy Egemen.kz oblystyq prokýratýranyń baspasóz qyzmetine silteme jasap.
Osy kúnde oblysta turǵyn úı kezeginde 23 myńnan astam adam tur. Keıingi úsh jyl ishinde ákimdik 900-ge tarta páterdi bólgen. «Tekseris barysynda turǵyn úıdi zańsyz berýdiń, sondaı-aq turǵyn úı berý negizderi joıylǵannan keıin adamdardy shyǵarmaýdyń 23 faktisi anyqtaldy.
Mysaly, Kókshetaý qalasynda turǵyn úıdi bıýdjettik uıymnyń burynǵy qyzmetkerine usynyldy, ol buǵan deıin 2 jyl buryn para alǵany úshin sottalǵan jáne berilgen kezde bas bostandyǵynan aıyrý túrinde jazasyn óteýde. Turǵyn úıdi zańsyz jekeshelendirýdiń 2 faktisi anyqtaldy.
Máselen, aýdan ortalyqtarynyń birinde azamat jekeshelendirýden jarty jyl buryn basqa aımaqta ornalasqan basqa páterdi satty. Qadaǵalaý aktisi boıynsha jekeshelendirilgen páter memleketke qaıtaryldy. Sondaı-aq kommýnaldyq turǵyn úıdi zańsyz jalǵa berý, bıýdjetke 50 mln teńgege jaldaý tólemderin tólemeý, tabystaryn aldyn ala teksermeı, az qamtylǵan azamattarǵa turǵyn úı berý faktileri anyqtaldy», delingen habarlamada.
Zańsyz berilgen páterlerdi ákimdikke qaıtarý máselesi talqylanyp, turǵyn úıge naqty muqtaj adamdarǵa berý jaıy qolǵa alyndy.