Kerekýlik ýchaskelik ınspektor Madııar Tursynbaev jýyqta erli-zaıypty qarııalarǵa arasha túsip, alǵysqa bólendi. Sapasyz taýardy bilmestikpen satyp alǵan otbasy polıseıdiń pármenimen aqshalaryn keri qaıtaryp alǵan.
О́ńirlik polısııa departamentiniń basshylyǵy atyna Pavlodar qalasynyń turǵyny, zeınetker Qaıyrtas Nurǵalıevten jergilikti №5 polısııa pýnktiniń ýchaskelik ınspektory M.Tursynbaevqa alǵys aıtý haty tústi. Hatta qarııa: «Men ardager ustazbyn, Pavlodar qalasynda turamyn. Jaqynda jubaıym ekeýmiz ınternet-saýda jasaımyz dep alaıaqtardyń arbaýyna tap boldyq. Kóp oılanbastan ózimizdiń ýchaskelik polıseıimiz, polısııa maıory Madııar Tursynbaevqa kómek surap bardyq. Madııar balamyz álgilerdiń Almaty qalasynan ekenin anyqtap, birden qylmysty ashýǵa kiristi. Eki kúnniń ishinde alaıaqtarǵa bizdiń aqshamyzdy qaıtartty. Ekinshi Pavlodar shaǵyn aýdanynda Madııardaı antyna adal polıseılerdiń baryna biz, zeınetkerler qýanamyz, uıqymyz da tynysh deýge de bolady. Onyń óz qyzmetine degen adaldyǵy arqyly quqyq qorǵaý organdarynda qarapaıym adamdardyń máselelerin sheshýge daıyn kásibı, janashyr adamdar jumys isteıtinine kóz jetkizdim», dep jazǵan.
Soltústik polısııa bóliminde 2016 jyldan beri qyzmet etip kele jatqan ýchaskelik ınspektor kóbine profılaktıkalyq is-sharalarmen, arnaıy esepte turǵan jandarmen, otbasylyq urys-keriske jaqyn turatyn er-azamattarmen jumys isteıdi.
– Ýchaskemizge ár kúni jeke máselesimen túrli azamattar kelip jatady. Barlyǵyn nazarǵa alyp, tıisti prosedýralardy júzege asyramyz. Jýyqta Qaıyrtas Nurǵalıev esimdi qarııa kelip, báıbishesi ekeýiniń «Tık-tokta» kórgen jarnamaǵa senip, kókónis keskish mashına satyp alǵandaryn jetkizdi. Sonaý Almatydan aldyrypty. Sóıtse onysy aqaýy bar zat eken, durys bolmaı shyqqan. Satqan kompanııa aýystyryp berýden bas tartqan. Baǵasy da zeınet jasyndaǵy adamdar úshin arzan emes. Eń áýeli qaladaǵy servıstik qyzmet kórsetý ornyna aparyp, álgi quraldyń shyn máninde aqaýy bary týraly anyqtama aldyrttyq. Sodan soń alaıaq fırmaǵa habarlasyp, paıdalanýǵa jaramsyz taýardy qoıarda qoımaı júrip keri jibertkizdim. Qarııalardyń aqshasyn qaıtaryp berdi. Atanyń alǵysyn estip, men de qýanyp qaldym, – deıdi Madııar.
Polıseıdiń pavlodarlyq azamattardy alaıaqtardan qutqarýy bul jalǵyz emes. Jýyqta jergilikti zeınetker massaj jasaıtyn kreslo satyp almaqshy bolyp, 1,5 mln teńgege nesıe resimdegen. Sóıtse, onysy túpnusqa emes, Qytaıda jasalǵan arzanqol buıym bolyp shyqty. Álgi qarııanyń balalary shaǵym túsirgen soń M.Tursynbaev satýshy azamatty tez izdep taýyp, alaıaq fırmany áshkereledi. Bir táýlik ishinde qarııa resimdegen nesıe de joıyldy.
Madııardyń ishki ister salasyndaǵy eńbek ótili búginde 10 jyldan asqan. Kóptiń alǵysyn arqalap, antyna adaldyq tanytyp júrgen polıseı otbasynda jubaıymen eki bala tárbıelep otyrǵan ardaqty áke.
Pavlodar oblysy