Memleket basshysynyń Aqtóbe oblysyna jumys sapary Mártók aýdany Sarjansaı aýylyndaǵy sport kesheniniń jumysymen tanysýdan bastaldy, dep habarlaıdy Egemen.kz Aqordaǵa silteme jasap.
Bul nysannyń jalpy aýmaǵy 1048 sharshy metrdi quraıdy. Munda sporttyń birneshe túri boıynsha úıirmeler jumys isteıdi.
Qasym-Jomart Toqaev erkin kúres zaly men shaǵyn fýtbol alańyn aralap kórdi.
Prezıdent sport kesheninde jas sportshylarmen kezdesti. Áńgimelesý barysynda Qasym-Jomart Toqaev sportpen shuǵyldanýdyń mańyzdylyǵyna nazar aýdardy. Sport adamnyń kózqarasyn túzeıdi. Ásirese jastarǵa kúsh-jiger beredi.
Sondaı-aq Memleket basshysy fýtbolǵa qoldaý kórsetiletinine toqtalyp, atalǵan sport túriniń bolashaǵyna senimmen qaraıtynyn jetkizdi.