Paradzıýdodan Tokıoda aıaqtalǵan Gran-prı týrnırinde Qazaqstan qurama komandasy 10 júldege qol jetkizdi. Onyń bireýi – altyn, tórteýi – kúmis jáne beseýi – qola medal.
Asa jeńil salmaqta kúresken Aqmaral Naýatbekke (48 kg, J2) teń keler eshkim tabylmady. Barlyq qarsylasyn esh qınalmaı utqan qazaq qyzy fınalda ázerbaıjandyq Shahana Gadjıevany qos jaýyrynymen jerge qadap, altynnan alqa taqty. Daıana Fedosova (57 kg, J2) aqtyq synǵa deıin alqynbaı jetkenimen, sheshýshi tusta ózbekstandyq Kúsishan Hodjıevaǵa jol berdi. Zarına Raıfova da (70 kg, J2) dál sol mejeden kórinse, Dınara Kýdjýlova (70 kg, J1) men Aıdana Ǵazızqyzy (+70 kg, J2) qolaǵa qol sozdy. Erlerdiń básekesinde Oljas Orazalyuly (73 kg, J2) men Jurqamyrza Shúkirbekov (+90 kg, J2) ekinshi oryndy ıelense, Erǵalı Shameı (+73 kg, J1), Erlan О́tepov (+90 kg J2) jáne Erlan Qonkıev (+90 kg, J2) úshinshi satyǵa taban tiredi.
Esterińizge sala keteıik, Japonııa astanasyndaǵy jarysta 46 memleketten kelgen 190-ǵa tarta paradzıýdoshy baq synady. Al Qazaq eli namysyn 18 sportshy qorǵady.