Jeltoqsan aıynda aýa raıy qubylmaly bolady. «Qazgıdromettiń» boljaýynsha osy aıda keı óńirde qar qalyń túsip, boran soǵýy yqtımal, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Ońtústik óńirlerde jańbyrdyń sońy qarǵa ulasady. Sekýndyna 15-30 metrge deıin jel turyp, soqyr tuman basady. 7-15 jeltoqsan aralyǵynda sýyq arktıkalyq aýa massasynyń áserinen Qostanaı, Aqmola, Soltústik Qazaqstan, Pavlodar oblystarynda túnde -39°S, kúndiz -35°S deıin aıaz qysady. Basqa oblystarda da túnde -18°S-qa deıin sýytady.
Tótenshe jaǵdaılar mınıstrligi qaýipsizdik sharalaryn saqtap, daýyl týraly eskertýler jarııalaǵan kezde, ásirese qarańǵy ýaqytta alys jerlerge saparǵa shyqpaýǵa shaqyrady.