Elordada bıylǵy qysqy maýsymda 60 - qa jýyq syrǵanaqtar men muz aıdyndary daıyndalady. Olardyń bárine kirý bas qala turǵyndary men qonaqtary úshin tegin bolady. Tek syrǵanaýǵa arnalǵan qural-jabdyqtardy jalǵa alý qajet nemese ózińizben birge ákelýińizge shekteý qoıylmaıdy, dep jazady Egemen.kz.
Astana qalasy ákimdigi syrǵanaqtar, muz aıdyndary, shańǵy trassalary, jańa jyldyq fotoaımaqtar jáne ózge de kóptegen qysqy serýen aımaqtaryn ashýdy josparlap otyr. Ákimdik qys mezgilinde bos ýaqytty paıdaly ótkizý úshin syrǵanaqtar men muz aıdyndaryn daıyndaý úshin mynadaı oryndardy belgiledi:
«Baıqońyr aýdanynda: 1. «Jastar» saraıy aýmaǵynda muz aıdyny men 2 syrǵanaq ashý josparlanyp otyr, sondaı-aq jańa jyldyq shyrsha ornatylady; (Respýblıka dańǵyly, 34)
K.Atatúrik atyndaǵy saıabaqta muz aıdyny men syrǵanaq ornatý josparlanyp otyr; (J.Táshenov kóshesi) «Jazýshylar» alleıasy ýchaskesinde syrǵanaq, «Jańa jyldyq shar», Aıaz Ata men Aqshaqar músinderin jáne t.b. ornatylmaq; (Abaı dańǵyly) О́ndiris eldi mekeni munda muz aıdyny men syrǵanaq ornatylady; (Aqbıdaı men Kemeńgeruly kósheleriniń qıylysy) Kırpıchnyı eldi mekeni men О́ndiris eldi mekeninde muz aıdyny men syrǵanaq ornatylady; (Chehoev jáne Jolymbet kósheleriniń qıylysy) «Qazqalashyq» eldi mekeninde bıiktigi 2 metr syrǵanaq, 6 metrlik konýstyq shyrsha ornatylady; (Dosmuhameduly kóshesi, 6) «SMP» TM aýmaǵynda bıiktigi 2 metr syrǵanaq jáne 6 metrlik konýstyq shyrsha ornatylady. Dál osyndaı syrǵanaq 126-shy kóshede ornatylady. Kenshiler kóshesi 5, 126-kóshe. «Qoıandy» ýchaskesinde bıiktigi 4 metr bolatyn syrǵanaq ornatylady, muz aıdynynyń aýdany 240 sharshy metrdi quraıdy, sondaı-aq 5 metrli shyrsha ornatylady. (Alash tas joly)Saryarqa aýdanynda myna oryndar boıynsha 11 syrǵanaq pen 4 muz aıdynyn salý josparlanyp otyr:
Bógenbaı batyr dańǵyly, 43, (muz aıdyny); Qalalyq alań, Beıbitshilik kóshesi, 11 (2 syrǵanaq jáne muz aıdyny); Kóktal saıabaǵy (2 syrǵanaq jáne muz aıdyny); Kenesary han eskertkishiniń janyndaǵy Esil ózeniniń jaǵalaýy (6 syrǵanaq pen muz aıdyny); Oqjetpes-Gersen kósheleriniń qıylysy (1 syrǵanaq).Almaty aýdanynda 11 syrǵanaq daıyndalady. «Qazaq eli» alańynda, Trıatlon saıabaǵynda, Pıramıdanyń artyndaǵy saıabaqta, Oqýshylar saraıynyń aýmaǵynda, «Nurly jol» vokzalynyń aýmaǵynda, Saraıshyq shaǵyn aýdanynda, taǵy 5 syrǵanaq Temirjolshylar, Promyshlennyı, Internasıonalnyı, Kúıgenjar, Mıchýrıno eldi mekenderinde bolmaq. Muz aıdyndary «Qazaq eli» alańynda, «Trıatlon» saıabaǵynda, «Pıramıda» artyndaǵy saıabaqta jáne kópir astyndaǵy aýmaqta ornalasady.
Nura aýdanynda da arnaıy taqyrypqa arnalǵan shaǵyn arhıtektýralyq fıgýralar ornatylady, fotoaımaqtar ashylady jáne 6 tóbeshik pen 2 syrǵanaq bolady:
Ortalyq saıabaq (tóbeshik, syrǵanaq); «Han Shatyr» saýda úıiniń janyndaǵy aýmaq (2 syrǵanaq, muz aıdyny); «Azııa Park» SOO (tóbeshik); Aıtmatov-Syǵanaq qıylysy (tóbeshik); Úrker eldi mekeniniń Aıǵyrjal kóshesindegi alań (tóbeshik).Esil aýdanynda merekelik is-sharalardy ótkizý úshin úsh negizgi oryndar ishinde EKSPO alańy, Botanıkalyq baq jáne «Kerýen» saýda úıi bar. Botanıkalyq baqta jáne EKSPO aýmaǵynda 2 tóbeshik, Botanıkalyq baqta, «Kerýen» SOO janynda muz aıdyny, sonymen qatar EKSPO aýmaǵynda 2 syrǵanaq ornatylady. Sondaı-aq «Báıterek» monýmenti, Saltanat qaqpasy, Nurjol býlvary jáne «Astana Balet» teatry mańyndaǵy aýmaqtar shaǵyn arhıtektýralyq fıgýralarmen bezendiriledi. Merekelik kóńil-kúı syılaý úshin Máńgilik El dańǵyly, Dostyq, Saraıshyq, Qonaev, Bókeı han kósheleri boıyndaǵy t.b. aǵashtardy bezendirý josparlanyp otyr.