Talǵardaǵy 81 oqýshy bilim alatyn jeke menshik mektep muǵalimi oqýshyny ıterip, jerge qulatqan. Oqý-aǵartý mınıstrligi oqıǵa qazan aıynda bolǵanyn naqtylady. Búginde sabaq ústinde pedagogıkalyq etıkaǵa jatpaıtyn dóreki minez kórsetken muǵalim jumystan shyǵaryldy, dep jazady Egemen.kz.
Muǵalim bastaýysh synyp oqýshysyn tapsyrmany durys oryndamaǵany úshin urysyp, tosynnan ıterip, edenge qulatqan. Ol munymen qoımaı, «tur, jatpa» dep daýys kóterip, buıyra sóılegen.
Vıdeony tengrinews.kz -ke ata-analar joldaǵanTeksere kele Talǵardaǵy jeke menshik mekteptiń arnaıy lısenzııasy da joq ekeni anyqtyldy.
Prokýratýra muǵalimniń ústinen qylmystyq is qozǵalǵanyn málimdedi.
Oqý-aǵartý mınıstrligi oqıǵaǵa qatysty:
«Bilim basqarmasynyń málimetinshe, atalǵan oqıǵa osy jyldyń qazan aıynda bolǵan. Oqýshynyń ata-anasy quqyq qorǵaý organdaryna shaǵym joldady. О́reskel qylyq kórsetken muǵalim qyzmetinen bosatyldy. Qazir quqyq qorǵaý organdary tergeý amaldaryn júrgizip jatyr», dep jazylǵan málimdeme taratty.