Dzıýdodan Azııa chempıony Áıgerim Ábilqadyrova «Birinshi bol» YouTube arnasyna suhbat berip, óziniń sport salasynda ózin «satyp alǵysy kelgenderdiń» de bar ekenin aıtty, dep habarlaıdy Egemen.kz.
Dzıýdo, grepplıng kúres túrlerimen kásibı túrde shuǵyldanatyn sportshyǵa bapkerleri ınstagramdaǵy paraqshasyn jabýdy usynypty. «Saǵan aı saıyn 500 myń teńgeden tólep otyramyz, paraqshańdy japsań» degen talap qoıdy. Bapker kúreste qalaı «janyp ketpeýdi», ádisti ońtaıly qoldanýdy, qarsylastyń quryǵynan sytylyp shyǵýdy úıretýi kerek. Olar óziniń qyzmetin atqarmaıdy, kerisinshe, saǵan kelip «paraqshańa ana vıdeony salma, myna postty jarııa etpe» dep súzgiden ótkizip, jetekke alǵysy keledi», dedi sportshy. Ol óziniń 936 myń oqyrmany bar paraqshasyn jappaıtynyn, kerisinshe damyta túsetinin aıtty.