Qazaqstan kelesi jyldan bastap bir ýaqyt beldeýine kóshýi múmkin, dep habarlaıdy Egemen.kz.
Májilis depýtaty Erkin Ábildiń aıtýynsha, úkimet tıisti sheshimdi 2024 jyly qabyldaýy múmkin. Qazirgi ýaqytta bul másele boıynsha ǵalymdar bir toqtamǵa kelgen. Olar Qazaqstannyń bir ýaqyt beldeýinde turǵanyn jaqtaıdy.
«Eki ýaqyt beldeýi belgili shamada bir yńǵaısyzdyq týdyratyny ras. Ásirese, kólik jáne logıstıka máselelerine kelgende qıyndyqtar bolady. Bankte de sondaı, jumys ýaqyty batysta bir saǵat buryn aıaqtalyp jatady. Basqarý salasynda da, baqandaı eki saǵat joǵaltamyz. Batysta jumys kúni áli bastalmaǵan kezde, Astanada jumys ýaqyty ótip jatady. Kerisinshe, batysta áli jumys ýaqyty, al Astanada jumys kúni aıaqtal qoıǵan. Sonymen qatar poıyzdardyń, ushaqtardyń kestesi JIО́-de aıtarlyqtaı shyǵynǵa ákeledi», - dedi májilismen.
Tehnıkalyq retteý jáne metrologııa komıtetiniń tóraǵasy Qýanysh Elikbaevtyń sózinshe, Qazaqstandy birtutas ýaqyt beldeýine kóshirý úshin aldymen úkimettiń tıisti qaýlysynyń jobasy daıyndalýy kerek.
«Zańǵa sáıkes ol qoǵamdyq talqylaý úshin «Ashyq NQA» portalyna ornalastyrylady, onda árbir qazaqstandyq óz ustanymyn bildiredi. Osydan keıin ǵana Úkimet qaýlysy qabyldanýy múmkin. Merzimin aıtatyn bolsaq, barlyq qyzmetter men azamattardyń habardar bolýy jáne mundaı ózgeriske daıyn bolýy úshin úsh aıdan aspaıtyn ýaqytty alady», - dep túsindirdi Elikbaev.