Aqmola oblysynyń prokýratýrasy múgedektigi bar 800 balanyń jeńildikter alý quqyǵy buzylǵanyn anyqtady, dep habarlaıdy Egemen.kz oblystyq prokýratýranyń baspasóz qyzmetine silteme jasap.
«Oblys prokýratýrasy, múgedekter úshin kózdelgen jeńildikter alý quqyqtaryn buzylýyn anyqtady. «Qoldanystaǵy zańnamada (QR «Bilim týraly» Zańynyń 6-baby) jergilikti atqarýshy organdarǵa mundaı balalardy tegin tamaqpen qamtamasyz etý boıynsha mindetter bekitilgen. Osyǵan qaramastan, erekshe balalar jeńildetilgen tamaqpen qamtylmaǵan jáne oblys ákimdiginiń «mektepke deıingi uıymdary tárbıelenýshileriniń jekelegen sanattaryna tamaqtandyrý úshin shyǵyndardy óteý týraly» qaýlysynda eskerilmegeni» málim boldy.
Aqmola oblysy prokýratýrasy quqyq buzýshylyqty joıyp, «múgedektigi bar balalar» sanaty da ákimdik qaýlysyna engizilip, tegin tamaqtanýmen qamtylatyn boldy.