Sý resýrstary jáne ırrıgasııa birinshi vıse-mınıstri Bolat Beknııaz elimizdegi sý qorynyń 1%-y ǵana turǵyndardy aýyz sýmen qamtýǵa jumsalatynyn málimdedi, dep habarlaıdy Egemen.kz.
Jyl saıyn Qazaqstan aýmaǵynda 102,3 tekshe shaqyrym sý qory jınalady. Onyń ishinde 1,2 tekshe shaqyrymy, ıaǵnı, jalpy sý kóleminiń 1%-dan astamy turǵyndardy aýyz sýmen qamtýǵa jumsalady.
Parlament Májilisiniń depýtaty Sergeı Ponomarevpen dıalog barysynda Sý resýrstary jáne ırrıgasııa birinshi vıse-mınıstri Bolat Beknııaz turǵyndardy sapaly aýyz sýmen qamtamasyz etý jumystary týraly aıtty.
Ekonomıkanyń qajettilikteri úshin jyldyq sý tutyný shamamen 25 tekshe shaqyrymdy quraıdy. Onyń 65 paıyzy aýyl sharýashylyqtyń, 25 paıyzy ónerkásiptiń qajettilikterine baǵyttalady.
«Sol sebepti Qazaqstan halqy aýyz sýdan taryǵady dep aıtýǵa bolmaıdy. Barlyq normatıvtik qujattarda, Sý kodeksinde eń birinshi orynda azamattarymyzdy aýyz sýmen qamtamasyz etý máselesi tur. Biz aldaǵy 2 jylda elimizdiń barlyq óńirin ortalyqtandyrylǵan sý júıesimen qamtamasyz etýdi josparlap otyrmyz. Qandaı tabıǵı jaǵdaı bolmasyn, klımattyń ózgerýi nemese transshekaralyq sý resýrstarynyń azaıýy aýyz sý tapshylyǵyna ákelmeıdi. Sebebi turǵyndarǵa qajetti aýyz sý kólemi jalpy sý qorynyń 1%-yn ǵana quraıdy», dedi vıse-mınıstr.