Astanada «Bolashaq» halyqaralyq stıpendııasynyń 30 jyldyǵyna arnalǵan forým ótip, oǵan qatysýshylarǵa Premer-mınıstrdiń orynbasary Tamara Dúısenova Memleket basshysynyń joldaǵan quttyqtaý hatyn oqyp berdi. Esterińizge salsaq, osydan 30 jyl buryn otandastarymyzǵa shetelderdiń úzdik joǵary oqý oryndarynda tálim alýǵa múmkindik beretin halyqaralyq stıpendııa taǵaıyndaý týraly sheshim qabyldanǵany málim, dep jazady Egemen.kz.
Úkimet baspasózi qyzmetiniń málimetinshe sodan beri elge qajetti salalar boıynsha 12 myńnan astam mamandar daıyndalǵan. Qazirgi ýaqytta 2 myńǵa jýyq otandasymyz álemniń aldyńǵy qatarly ýnıversıtetteri men ǵylymı ortalyqtarynda bilim alyp jatyr.
Baǵdarlama túlekteri shetelde alǵan tájirıbeleri orasandyǵyn erekshe atap ótti. Árqaısysy el damýyna úles qosýǵa nıetti ekendikterin bildirdi.
«Memleket ǵylymnyń damýyna jaǵdaı jasaýda, zamanaýı ǵylymı-zertteý ınfraqurylymynyń qalyptasýyna qarjy bólip, halyqaralyq áriptestikti qarqyndy damytyp jatyr. Talantty da talapty jastarymyz bul iste bizdi qoldaıtynyna senemin», dedi Tamara Dúısenova.