Stepnogor qalasynda jylý júıesinde apat oryn alyp, birneshe kópqabatty turǵyn úı saqyldaǵan sary aıazda jylýsyz qaldy.
О́tken qystan áýpirimdep shyqqan qalanyń jylý júıesine birshama kóńil aýdarylyp edi. Aldymen Memleket basshysy Qasym-Jomart Toqaevtyń tapsyrmasy boıynsha Kókshetaý men Stepnogor qalalaryn jylýmen jabdyqtaý nysandaryn jańǵyrtý týraly sheshim qabyldanǵan bolatyn. Úkimet rezervinen bólingen 2 mıllıard teńgeniń esebinen magıstraldyń jelilerge jóndeý júrgizildi. «Stepnogorskaıa TES» jáne «Stepnogorsk Teplotranzıt» seriktestikteriniń jeke qarjysy esebinen jylý-elektr ortalyǵynyń jáne jylýmen jabdyqtaý jelileriniń qural-jabdyqtaryna 5,3 mıllıard teńgege josparly jóndeý jumystary júrgizilgen bolatyn.
Apat ornynda jedel shtab qurylyp, oǵan oblys ákimi Marat Ahmetjanov tóraǵalyq etti. Shuǵyl sharalar qolǵa alyndy. «Stepnogorsk teplotranzıt» seriktestiginiń mamandary jiti qımyldap, jylý júıesindegi apattyń saldaryn joıdy. Qala turǵyndary oryn alǵan keleńsiz jaı týraly ýaqtyly qulaqtandyryldy. Qazir apattyń sebebi anyqtalyp, jóndeý jumystary júrgizildi. Turǵyn úılerge jylý berile bastady.
Qys jańa bastalǵanda qyrsyq shalǵany kópshilikti qobaljytyp otyr. Shaǵyn habardyń taqyrybynda aıtqanymyzdaı, apattyń aıtyp kelgeni de ras. Shoq juldyzdaı shaǵyn ǵana qalanyń jylý júıesiniń tozyǵy jetkendigi týraly san márte aıtylǵan. Aldaǵy ýaqytta turǵyndardy ábigerge salatyn tosyn oqıǵa oryn almasa ıgi.
Aqmola oblysy,
Stepnogor qalasy