Hokkeıden I dıvızıondaǵy Álem Chempıonatynda Qazaqstan jastar quramasy alǵashqy jeńiske jetti, dep habarlaıdy Egemen.kz Qazsporttv-ge silteme jasap.
Býdapeshtte bastalǵan baıraqty básekede Vengrııa quramasyn Sergeı Starygınniń shákirtteri 5:2 kórsetkishimen utty. Ulttyq qurama sapynda Beıbarys Orazov, Egor Smolıanınov, Artem Avdeenko, Vsevolod Lovgın (dýbl) kózge tústi.
Hokkeıshilerimiz búgin Danııa jastar quramasymen kezdesedi. Aıta ketsek, I dıvızıonnyń jeńimpazy kelesi jyly Jastar arasyndaǵy Álem Chempıonatynyń elıtalyq kezeńine joldama alady.