Bas prokýrordyń orynbasary Áset Shyndalıev 6 jylǵa bas bostandyǵynan aıyrylǵan Qaırat Satybaldynyń shartty túrde merziminen buryn bosatý týraly ótinish jazǵanyn rastady, dep habarlaıdy Egemen.kz.
Jýrnalısterdiń saýalyna jaýap bergen Bas prokýrordyń orynbasary Áset Shyndalıev árbir sottalýshy shartty túrde merziminen buryn bosap shyǵýyna ótinish jazýǵa quqyǵy bar ekenin aıtty. «Qaırat Satybaldy da ótinish berdi, sot ony qarastyrady. Shartty túrde merziminen buryn bosatý nemese ótinishten bas tartý týraly sheshimdi sot sheshim qabyldaıdy. Qashan qaralatynyn, qandaı sheshim qabyldanatynyn bilmeımin», dedi Á.Shyndalıev.
2022 jyldyń qyrkúıek aıynda Astana qalasynyń qylmystyq ister jónindegi №2 soty Qaırat Satybaldyny «aldaý nemese senimge qııanat jasaý jolymen múliktik zalal keltirý», «senip tapsyrylǵan bóten múlikti ıemdený nemese talan-tarajǵa salý» baptary boıynsha aıyptap, 6 jylǵa sottaǵan bolatyn.