Astanada hokkeıden balalar arasynda halyqaralyq týrnır bastaldy, dep habarlaıdy Egemen.kz.
«SAMRUK BALA CUP 2023» hokkeıden balalar arasyndaǵy halyqaralyq týrınırge elimizdiń 8 óńirinen 24 komanda jáne О́zbekstan men Qyrǵyzstannan da komanda qatysyp jatyr. Týrnırdi uıymdastyrýshylar basty maqsat hokkeı sportyn nasıhattap, halyq arasynda keńinen taralyp damýyna serpin berý deıdi. 14 jeltoqsanǵa deıin jalǵasatyn týrnır «Barys» sport kesheninde ótedi. Bul doda «Samuryq-Qazyna» AQ qaıyrymdylyq qyzmetiniń biryńǵaı operatory – «Samruk- Kazyna-Trust» qorynyń qarjylaı qoldaýymen «Altyn shaibaly» jobasy aıasynda uıymdastyrylǵan alǵashqy jarys. Kelesi jyly osy joba aıasynda aýyl balalarynyń arasynda da birneshe týrnır ótkizý josparlanyp otyr. Oǵan qatysýǵa qazirdiń ózinde 200-den astam aýyldyń balasynan ótinim kelipti.