2024 jyldyń 1 qańtarynan bastap Ulttyq qordan 18 jasqa tolmaǵan barlyq balaǵa birdeı somada qarjy aýdaryla bastaıdy, dep habarlaıdy Egemen.kz.
Bul týraly Qarjy mınıstrliginiń bıýdjettik kredıtteý, ulttyq qor jáne qarjy sektory máseleleri jónindegi ózara is-qımyl departamentiniń dırektory Aıbol Arǵynǵazın vedomostvo uıymdastyrǵan brıfıngte málimdedi.
«Ulttyq qor tólemderin Biryńǵaı jınaqtaýshy zeınetaqy qory 2024 jyldyń 1 aqpanynan bastap aýdarady. 18 jasqa tolmaǵan barlyq balaǵa birdeı soma aýdarylady. Al kámelet jasyna 2024 jyly tolatyn balalar sol qarajat shotyna túsken kezden bastap ótinim berip, Ulttyq qor aqshasyn paıdalaný maqsatyn rastaıtyn qujatty kórsetý arqyly ári qaraı bul qarajatty paıdalana alady», dedi Aıbol Arǵynǵazın vedomstvo uıymdastyrǵan brıfıngte.