Elordada Tilderdi damytý jáne arhıv isi basqarmasynyń uıymdastyrýymen Qazaqstan Respýblıkasynyń Táýelsizdik kúnine oraı «Qazaqsha Quiz» ıntellektýaldy saıysy ótti, dep habarlaıdy Egemen.kz turanews.kz saıtyna silteme jasap.
Saıystyń maqsaty - qazaq tilin, tarıhyn, salt-dástúrin, ádet-ǵurpyn, ǵylymy, óneri, ádebı muralaryn nasıhattaý, ujymmen jumys jasaý daǵdylaryn arttyrý.
Atalǵan saıysqa 20 mekeme («Astana qalasy «Esil» aýdany ákiminiń apparaty» MM, Astana qalasynyń Jumyspen qamtý jáne áleýmettik qorǵaý basqarmasy, Bilim basqarmasy, Astana qalasynyń Tótenshe jaǵdaılar departamenti, «Rýhanııat» kommýnaldyq memlekettik mekemesi, «Astana qalalyq jaryq» mekemesi, «Astana-Aımaqtyq Elektrjelilik Kompanııasy» AQ, Astana qalasynyń polısııa departamenti, Esil aýdanynyń polısııa basqarmasy, «Qýyrshaq teatry» MKQ, Jastar teatry, Astana-Energııa AQ, Baıqońyr aýdanynyń polısııa basqarmasy, Ázirbaıjan Mámbetov atyndaǵy memlekettik drama jáne komedııa teatry, № 9 «Nur shashý» balabaqshasy, «Elorda Eco System» ShJQ MKK, Astana qalasynyń №19 orta mektebi, Smaǵul Sadýaqasuly atyndaǵy №78 mektep-gınazııasy, Astana qalasynyń № 94 mektep-gımnazııasy) qatysty.Qatysýshy komandalar «test suraqtary», «sózjumbaq» krossvord týry, «úsh sýret» medıa týry, «án sózi», «qazaq kınosy», «oılan tap» týrlary boıynsha synǵa tústi.
Nátıjesinde I oryndy «Astana-Aımaqtyq Elektrjelilik Kompanııasy» AQ «Shamshyraq» toby, II oryndy Ázirbaıjan Mámbetov atyndaǵy memlekettik drama jáne komedııa teatry «Á.Mámbetov mektebi» toby, III oryndy «Rýhanııat» kommýnaldyq memlekettik mekemesi «Bolashaq» toby jeńip aldy. Baıqaýǵa qatysýshylar dıplomdarmen, alǵyshattarmen jáne syılyqtarmen marapattaldy.